path bhool na jana pathik
kahin
path mein kante to honge hee,
doorvadal-sarita, sar honge.
sunder giri-van-vapi hongi,
sunder-sunder nirjhar honge.
sunderta kee mrig-trishna
mein,
path bhool na jana pathik
kahin.
jab kathin karm-pagdandi par,
rahi ka man unmukh hoga.
jab sapne sab mit jaayenge,
kartvya marg sammukh hoga.
tab apni pratham viphalta
mein
path bhool na jana pathik
kahin.
ranbheree sun,
keh,"vida,vida"
jab sainik pulak rahe honge.
hathon mein kum-kum thal liye
kuchh jalkan dhulak rahe
honge.
kartvya prem kee uljhan mein
path bhul na jana pathik
kahin.
kuch mastak kum parte honge,
jab mahakal kee mala mein.
maa mang rahee hogi aahuti,
jab swatantra kee jwala mein.
pal bhar bhee par asmanjus
mein,
path bhul na jana pathik
kahin.
