Baat karni mujhe muskil

Baat karni mujhe mushkil kabhi aisi to na thi
jaisii ab hai teri mehfil kabhi aisi to na thi

le gayaa chheen ke kaun aaj teraa sabr-o-qaraar
beqaraarii tujhe ai dil kabhi aisi to na thi

un ki aankhon ne Khuda jaane kiya kya jaadu
ke tabiyat meri maail(affected) kabhi aisi to na thi

chashm(eye)-e-qaatil meri dushman thi hamesha lekin
jaisi ab ho gai qaatil kabhii aisi to na thi

kyaa sabab tu jo bigadata hai “Zafar” se har baar
Khu(Habit) terii huur-e-shamaa_il kabhii(Beauty with excellent disposition and virtues) aisii to na thii