nahin nigaah me manzil to justajuu hi sahi by Faiz Ahmed Faiz

nahin nigaah me manzil to justajuu hi sahi
nahin visaal(meeting) mayassar to aarazuu hi sahi

na tan men Khuun faraaham(accumalated) na ashq aankhon me
namaaz-e-shauq to vaajib hai be-wazuu(Without washing before prayer) hi sahi

kisi tarah to jame bazm maikade vaalo
nahin jo baadaa-o-saaGar to haa-o-huu hii sahii

gar intazaar kathin hai to jab talak ai dil
kisi ke vaada-e-fardaa kii guftaguu hii sahi

dayaar-e-Gair me maharam(acquaintance) agar nahin koi
to ‘Faiz’ zikr-e-vatan apane ruu-ba-ruu hi sahi

Lahoo Na Ho To Kalam Tarjuman Nahi Hota

Lahoo na ho to kalam tarjuman nahi hota 

Hamare dor may ansoo bezuban nahi hota 

Jahan rahe ga waheen roshani lotaye ga 

Kisi chirag ka apna makan nahi hota 

Ye kis maqam pe layi hai meri tanhai 

K mujh se aaj koi badguman nahi hota 

Main us ko bhool gya hoon ye kon mane ga 

Kisi chirag k bas may dhooan nahi hota 

`Wasim` sadyon ki ankhon se dekhye mujh ko 

Wo lafz hoon jo kabhi dastan nahi hota

Chhap tilak sab cheeni ray mosay naina milaikay

Chhap tilak sab cheeni ray mosay naina milaikay
Chhap tilak sab cheeni ray mosay naina milaikay

Prem bhatee ka madhva pilaikay
Matvali kar leeni ray mosay naina milaikay

Bal bal jaaon mein toray rang rajwa

Apni see rang leeni ray mosay naina milaikay

Gori gori bayyan, hari hari churiyan
Bayyan pakar har leeni ray mosay naina milaikay

Khusrau Nijaam kay bal bal jayyiya
Mohay Suhaagan keeni ray mosay naina milaikay

Chhap tilak sab cheeni ray mosay naina milaikay

You've taken away my looks, my identity, by just a glance.
By making me drink the wine of love-potion,
You've intoxicated me by just a glance;

I give my life to you, Oh my cloth-dyer,

You've dyed me in yourself, by just a glance.

My fair, delicate wrists with green bangles in them,
Have been held tightly by you with just a glance.
I give my whole life to you Oh, Nijam,
You've made me your bride, by just a glance.

Nabj Meri Dekhi AUR Bimar Likh Diya,

Nabj Meri Dekhi AUR Bimar Likh Diya,
Rog Mera apka PYAAR Likh Diya,
Karzdaar Rahenge Us Haquuem K Jisne,
Dawa me Aapka DEEDAR Likh Diya.

badan ke dono kinaaron se jal rahaa huun mai

badan ke dono kinaaron se jal rahaa huun mai
ke chhuu rahaa huun tujhe, aur pighal rahaa huun main

tujhii pe Khatm hai jaanaan mire zavaal(nadir) kii raat
tuu ab tulu(appear) bhii ho jaa, ke Dhal rahaa huun main

Ghubaar-e-rahguzar(dust of the path) kaa ye hauslaa bhii to dekh
havaa-e-taazaa! tere saath chal rahaa huun main

main Khvaab dekh rahaa huun ke vo pukaartaa hai,
aur apne jism se baahar nikal rahaa huun main

WASIM BRELVI

Ham ye to nahi kehte ki ham tujhse bade he,
lekin ye bahut he ki tere sath khade he

ye baat to is baat ke hak me nahi jaati,
kuchh phool bhi kanton ke himayat me khade he

-------------------------------------------------
kaun si baat kahan kaise kahi jaati he,
ye salika ho to har baat suni jaati he.

-------------------------------------------------
ye soch kar koi ehd-e-wafa karo mujhse,
ham ek vaade pe umre gujar dete hen.