Ranjish hi sahi......

Ranjish hi sahi dil hi dukhane ke liye aa

Aa fir se mujhe chhod ke jaane ke liye aa

Kuch to mere pindar-e-mohabbat(pride of love) ka bharam rakh

Tu bhi to kabhi mujhko manane ke liye aaa

Ranjish hi sahi………………….

Mana ki mohabbat ka chhupana he mohabbat

chupke se kisi roz jatane ke liye aaa

Ranjish hi sahi……………………………

Pahle se marasim(Agreements) naa sahi fir bhi kabhi to

Rasmo rahe duniya hi nibhane ke liye aaa

Ranjishi hi sahi…………………….

Jaise tumhe aate he na aane ke bahane

Aise hi kisi roz na jaane ke liye aaa

ranjish hi sahi……………………………….

Kis kis ko batayenge judai ka sabab hum
Tu mujhse khafa hai to zamane ke liye aa
Ranjish hi sahi…………


Ik umr se hoon lazat-e-giriya(taste of sadness) se bhi mehroom
Aye raahate jaan mujhko rulane ke liye aa
Ranjish hi sahi…………

Ab tak dil-e-khushfaham ko tujhse he ummeede
ye aakhiri shamma bhi bujhane ke liye aa
Ranjish hi sahi…………

Hasrat Jaipuri

is hisroo hawas ki duniya me arman badalte dekhein he
dhokha he yahan, lalach he yahan, imaan badalte dekhein he
dolat ke sunahare jadu se, ae dil ye tadapna achha he
chandi ke khanakte sikko par insan badalte dekhe he

Suna Hai Us Mehfil Me Wo Benakab Aate Hai...!!

Kabhi Unki Yaad Aati Hai, Kabhi Unke Khawb aate Hai,
Mujhe Satane Ke Salike Unhe Behisab Aate Hai...!!

Kayamat Dekhni Ho Agar Chale Jana Us Mehfil Me,
Suna Hai Us Mehfil Me Wo Benakab Aate Hai...!!

Kahi Sadiyo Me Aati Hai Koi Surat Hasin Itni,
Husn Par Har Roz Kaha Aise Shabab Aate Hai...!!

Roshni Ke Waste To Unka Nur Hi Kafi Hai,
Unke Didar Ko Aftab Aur Mahatab Aate Hai...!!

Mohsin

Funkaar hai to haath pay sooraj saja kay la
Bujhta hua diya na muqaabil hawa kay la

Darya ka inteqaam dubo day na ghar tera
Saahil say roz roz na kankar utha kay la

Samaan wafa kay baandh magar soch soch kar
Is ibteda mai yun na sakht inteha kay la

Thori si aur mauj mai aa, ayee hawa-e-gul
Thori si uskay jism ki khushboo chura kay la

*Mohsin* ab uska naam hai sab ki zabaan par
Kis nay kaha tha usko Ghazal mai saja kay la???

Tang aa chuke hain kash-ma-kash-e-zindagi se ham

Tang aa chuke hain kash-ma-kash-e-zindagi se ham
Thukraa na deiN, jahaaN ko kahiiN bedili se ham

maayoosi-e-ma’aal-e-muhabbat na poochhiye
apnoN se pesh aaye haiN begaanagii se ham

lo aaj hamne toR diyaa rishta-e-ummeed
lo ab kabhii gilaa na kareiNge kisii se ham

ubhreiNge ek baar abhii dil ke valvale
go dab gaye haiN baar-e-Gham-e-zindagii se ham

gar zindagii meiN mil gayee phir ittafaaq se
poochheiNge apnaa haal tirii bebasii se ham

allah re fareb-e-masheeyat k aaj tak
duniyaa ke zulm sahte rahe Khamushii se ham

written by sahir

mujh se pehli si mohabbat meray mehbub na maang

mujh se pehli si mohabbat meray mehbub na maang
Don't ask me for the love I once gave you, my love

mein ne samjha tha kay tu hai to darakhshaan hai hayaat
I thought if I had you, life would shine eternally for me
tera gham hai to gham-e-dahar ka jhagdra kya hai
With your heartaches, those of the universe would fade
teri surat se hai aalam mein bahaaron ko sabaat
Your face would bring permanence to every spring
teri aankhon ke sivaa duniya mein rakkha kya hai
What is there to treasure in this world but your eyes?
tu jo mil jaaye to taqdir niguun ho jaaye
If I found you, my fate would bow down to me
yun na tha mein ne faqat chahaa tha yun ho jaaye
It was not so, merely how I wished it to be

anaginat sadiyon ki taarik bahimanaa talism
The dreadful magic of uncountable dark years
resham-o-atalas-o-kamkhvaab mein bunavaaye huye
Woven in silk, satin and brocade
jaa-ba-jaa bikate huye kuuchaa-o-baazaar mein jism
Bodies sold in every corner of the market
khaak mein lithade huye khuun mein nahalaaye huye
Covered in dust, bathed in blood
laut jaati hai udhar ko bhi nazar kyaa kije
Still returns my gaze in that direction, what can be done?
ab bhi dilkash hai tera husn magar kya kije
Even now your beauty is tantalizing, but what can I do?
aur bhii dukh hain zamaane mein mohabbat ke sivaa
The times hold sorrows besides those of love
raahaten aur bhi vasl ki raahat ke sivaa
There is happiness other than the joy of union

mujh se pehli si mohabbat meray mehbub na maang
Don't ask me for the love I once gave you, my love

written by Faiz Ahmed Faiz

Mere Hamnafas mere hamnava

mere ham-nafas(Breath), mere ham-navaa(voice), mujhe dost banake dagaa na de
main huun dard-e-ishq se jaan_valab(dead), mujhe zindagii kii duaa na de

mere daag-e-dil se hai raushnii, usii raushnii se hai zindagii
mujhe Dar hai aye mere chaaraagar(Doctor), ye charaag tuu hii bujhaa na de

mujhe chhod de mere haal par, teraa kyaa bharosaa hai chaaraagar
ye terii nawaazish(kindness)-e-muKhtasar(Brief), meraa dard aur badaa na de

meraa azm(Decision) itanaa baland hai ke paraaye sholon kaa Dar nahiin
mujhe Khauf aatish-e-gul se hai, ye kahii.n chaman ko jalaa na de

wo uthe hai.n leke hom-o-subuu, arey o ‘Shakeel’(poet) kahaan hai tuu
teraa jaam lene ko bazm me.n koii aur haath ba.Daa na de

Dikhayi Diye Yun..

Dikhayi Diye Yoon Ke Bekhudh Kiya
Humein Aapse Bhi Judaa Kar Chale

Jabhi Sajda Karte Hi karte Gayi -2
Haq-E-Bandigi Hum Adaa Kar Chale

Dikhayi Diye Yoon.....

Parastish Kiya Tak Ke Aye But Tujhe -2
Nazar Mein Sabonki Khuda Kar chale

Dikhayi Diye Yoon.....

Bahut Arzoo Thi Gali Ki Teri -2
So Ya Se Lahoo Mein Naha Kar Chale

Dikhayi Diye Yoon.....

Fakirana Ae Sada Kar Chale
Miya Khush Raho Hum Dua Kar Chale

Jo Tujh Bin Na Jeene Ka Kehte Hum
So Us Ahad Ko Ab Wafa Kar Chale

Koi Na Umeed Na Karte Nigahen
So Tum Humse Munh Bhi Chhupa Kar Chale

Anjum Rahbar

जिनके आँगन में अमीरी का शजर[tree] लगता है
उनका हर ऐब ज़माने को हुनर लगता है
चाँद तारे मेरे क़दमों में बिछे जाते हैं
ये बुजुर्गों कि दुआओं का असर लगता है
माँ मुझे देख के नाराज़ ना हो जाये कहीं
सर पे आँचल नहीं होता है तो डर लगता है

jane kyun log mere naam se jal jate hein...

Garmiye hasrate nakaam se jal jate hein,
hum charagon ki tarah shaam se jal jate hein..

Shama jis aag mai jalti hai numayish ke liye,
hum usi aag mai gum naam se jal jate hein..

Jab bhi aata hai tera naam mere naam ke saath,
jane kyun log mere naam se jal jate hein...

path

wah path kya pathik kushalta kya
jis path par bikhare shuul na ho.
navik ki dhairya kushalta kya
jab dhara hi pratikuul na ho.